အရင်အခေါက်တုန်းကပညာထူးချွန်ဆုနဲ့အတူကလေးတွေကိုမုန့်ပါကျွေးတယ်။ ဒီတစ်ခေါက်တော့ ရေပဲတိုက်တော့မယ်ဆိုတော့ ကလေးတွေကသဘောကျကြပါတယ်။ အဝီစိတွင်းတစ်တွင်းကိုကိုယ်ကစရိတ်အကုန်ခံပြီးတူးပေးတယ်။ နောက်လူတွေကပိုက်တို့၊ ရေစုပ်စက်တို့၊ ရေတိုင်ကီတို့ ဝိုင်းလှူကြတယ်။ ကိုယ့်ရဲ့မတည်ငွေကအတန်အသင့် များပေမယ့် ပြစရာကမ္ဗည်းထိုးစရာကမရှိဘူး။ ဒါ့ကြောင့် အဝီစိသွားပြီးကမ္ဗည်းထိုးရမယ်ထင်ရဲ့လို့တောင် နောက်မိတယ်။ ထိုရှားပါးတဲ့ အရပ်ဒေသမှာကလေးတွေ ရေသောက်ရ၊ အထူးသဖြင့် ရေကြည်ရေသန့် သောက်ရတာတွေ့လို့ စိတ်ချမ်းသာရတယ်။ ဒါအဲဒီတွင်းကရေပဲဆိုပြီးလာတိုက်တာတောင် သောက်ဖြစ်အောင် သောက်လိုက်သေး။ ကမ္ဗည်းထိုးထားတဲ့ ရေတိုင်ကီကြီးတွေကိုလည်းတွေ့ခဲ့ပါတယ်။
အမြန်ကားကြီးကကျောက်ချောလမ်းဆိုလား၊ မြေလမ်းဆိုလားမသိပါဘူး။ စည်ပင်သာယာရဲ့ အစီအစဉ်နဲ့ ပုဂ္ဂလိကကအများဆုံးစရိတ်ခံလှူဒါန်းထားတဲ့ လမ်းကနေမထိမခိုက်ရအောင် တဖြည်းဖြည်းတရွေ့ရွေ့ဝင်လာတော့ လိုက်လာတဲ့ ငါန်းဇွန်သူငါန်းဇွန်သားတွေကရောက်ချင်လှပေါ့။ တစ်ညလုံးအိပ်ရေးပျက်ခဲ့ပေမယ့် အကုန်ထပြီးမျှော် နေကြပြီ။ ဒီလမ်းလေးရှိလို့ မန္တလေး-တံတားဦး-ငါန်းဇွန်-မြို့သာ-ငါန်းမြာသွားရလာရတာအတော်လေးအဆင်ပြေပေမယ့် အစိုးရဌာနအောက်မှာစာရင်းဝင်တဲ့လမ်းမဟုတ်လေတော့ မျက်နှာခပ်ငယ်ငယ်နဲ့ အစိုးရရဲ့ စောင့်ရှောက်မှုကိုခံရပုံမရဘူး။
တံတားဦးဘက်ကစဝင်တော့ ဆက်သွယ်လို့ရသေးတယ်။ ဖုန်းတွေမပြတ်သေးဘူး။ နည်းနည်းလေးထိမိတော့ ကြားကျသွားပုံရတယ်။ ဆက်သွယ်မှုပြတ်ကုန်တယ်။ ငါန်းဇွန်နားနီးတော့ ဖုန်းလိုင်းပြန်မိတယ်။ ရွာသစ်ရွာနားကနေလာကြိုတဲ့သူတွေကိုတွေ့နေရပြီ။ ပါလာတဲ့ ဆရာကြီးဆရာမကြီးသုံးယောက်နဲ့ မိတ်ဆွေ သူငယ်ချင်းတွေကိုအားပါးတရ နှုတ်ဆက်ကြတယ်။
အင်တာနက်ဖွင့်ကြည့်တော့ အဆင်ပြေနေသမို့ ငါန်းဇွန်အဝင်ကတည်းကလာရောက်ကြိုဆိုကြပုံတွေကိုတယ်လီဖုန်းနဲ့ တောက်လျှောက် ဓာတ်ပုံရိုက်၊ ချက်ချင်းFacebook ပေါ် တင်တဲ့၊ ပြန်ကြားရေးတာဝန်တွေကိုထမ်းဆောင်တယ်။ ငါန်းဇွန်မြို့အဝင်မှာနံနက်စောစောကလွတ်လပ်ရေးနေ့အခမ်းအနားကျင်းပသွားခဲ့တဲ့ လွတ်လပ်ရေးကျောက်တိုင်ကိုမီးရောင်စုံနဲ့ တွေ့ရတယ်။ မြို့ဘက်ရောက်တော့ ဆက်သွယ်ရေးတိုင်ကအမြင့် အနိမ့် နှစ်တိုင် ဖြစ်နေပြီးအနိမ့်တစ်တိုင်ကိုတခြားနေရာရွှေ့မယ်လို့ ပြောသံကြားမိပါတယ်။
ဈေးနားမှာတယ်လီဖုန်းနဲ့ အင်တာနက်ချိတ်ဆက်ဖို့ ဝန်ဆောင်မှုပေးတဲ့ ဆိုင်လေးတစ်ဆိုင်တွေ့နေရပြီးသူ့ဆိုင်မှာပဲတယ်လီဖုန်းအလုံး ၅ဝ လောက်ကိုဝန်ဆောင်မှုပေးပြီးပြီတဲ့။ အပြေးအလွှားသွားစားနေကျ မသန်းစုတို့ မုန့်တီဆိုင်ကလည်းတယ်လီဖုန်းတွေ ဘာတွေနဲ့။ နောက်ဆိုအဝေးကြီးကလှမ်းပြီးမှာလို့ရပြီ။
ဒီတစ်ခေါက် အာစရိယပူဇော်ပွဲမှာသံဃာတော်နဲ့ သီလရှင်အပါး ၂ဝဝ လောက်ကိုဆွမ်းလောင်းပြီးကွယ်လွန်သူဆရာကြီးဆရာမကြီးတွေ မိတ်ဆွေတွေကိုအမျှဝေပေးတဲ့ အစီအစဉ်တစ်ရပ်လည်းထည့်သွင်းတိုးချဲ့နိုင်ခဲ့ပါတယ်။ ဆွမ်းမလောင်းမီငါန်းဇွန် မန်းကားဂိတ်ကလက်ဖက်ရည်ဆိုင်မှာထိုင်မိတော့ ငါန်းဇွန်-မန္တလေးကားတွေဟာခရီးသည်ထက် ကုန်တွေကိုအရင်ကလိုပဲအားကိုးနေရတဲ့အကြောင်း၊ လမ်းကောင်းလာတော့ လူအတော်များများကဆိုင်ကယ်နဲ့ သွားကြတာများတဲ့အကြောင်း၊ ကုန်တွေကလည်းဟိုတုန်းကလိုငါန်းဇွန်မှာမစုတော့လို့ ဒိုင်တွေ အလုပ်မဖြစ်၊ ဆိုင်ကယ်တွေ၊ ထော်လာဂျီတွေနဲ့ မြို့နားအရောက် သယ်ကြတဲ့အကြောင်း၊ လက်ကိုင်ဖုန်းတွေပျံ့နှံ့နေလို့ မြို့ပေါ်ပေါက်နေတဲ့ ဈေးနှုန်းကိုအလွယ်တကူသိရှိနေပြီဖြစ်တဲ့ အကြောင်း ကြားသိရပါတယ်။
ကိုယ်ရောက်တဲ့အခါ ကျောင်းသားတွေကိုဟောပြောနိုင်ဖို့ ဒေသခံတွေကစီစဉ်ပေးထားတော့ အောင်ဆန်းခန်းမမှာတစ်နာရီလောက် ဟောပြောပါတယ်။ ပြီးတော့ ကလေးတွေကိုမေးချင်ရာမေးကြဆိုပြီးမေးခိုင်းတယ်။ ကလေးတွေ ပြောရဲဆိုရဲမေးမြန်းရဲတဲ့အလေ့အထလေးရှိစေချင်လို့ပါ။ ပြီးတော့ ပါလာတဲ့ စာအုပ်တချို့ကိုကလေးတွေရယ်၊ အာစရိယပူဇော်ပွဲ အကျိုးဆောင်ကြတဲ့ ဆရာ၊ ဆရာမတွေနဲ့ မိတ်ဆွေကိုဝေငှတာလောက်တောင်မလောက်ဘူး။ အခမ်းအနားပြီးခါနီးမှာဒီကနေ့ ဟောပြောပွဲအတွေ့အကြုံကိုကျောင်းသူတစ်ယောက်၊ ကျောင်းသားတစ်ယောက်ကို ပြန်ပြောခိုင်းတယ်။ ကျောင်းသူအလှည့်မှာမိဘတွေကအိပ်စောင့်ခိုင်းထားတာ၊ အိမ်သော့ခတ်ပြီးဟောပြောပွဲလာလို့ အရိုက်ခံရမယ့်အကြောင်း၊ သမီးတစ်ယောက်ကငိုပြီးပြောပြတယ်။ ဟောပြောပွဲအတွေ့အကြုံ နည်းနည်းရထားတဲ့ ကလေးတွေက ပြီးရင် ဓာတ်ပုံရိုက်ခိုင်းရမှန်း၊ လက်မှတ်ထိုးခိုင်းရမှန်းသိလာကြပြီ။
ညဘက်မှာလည်းစာပေဆွေးနွေးပွဲလေးလုပ်တော့ မိတ်ဆွေတချို့ လာကြပါတယ်။ မေးမြန်းဆွေးနွေးတဲ့ အကြောင်းအရာတွေလည်းအတော်လေးစုံလင်တယ်။ ဒါပေမဲ့ သူငယ်ချင်းဟောင်းတွေစုပြီးပျော်နေကြတဲ့ ကာရာအိုကေအစီအစဉ်ကိုမကျော်နိုင်၊ သူတို့အသံပဲလွှမ်းနေလို့ ဆွေးနွေးပွဲရှိမှန်းတောင် မသိလိုက်ကြဘူးတဲ့။
ဒီနှစ် အာစရိယပူဇော်ပွဲကအချိန်စောပြီးကျင်းပလို့ ငွေကောက်ကြ၊ အလှူခံကြတဲ့သူတွေ နည်းနည်းကသီပေမယ့် ဆရာကြီး၊ ဆရာမကြီးတွေ စောစောအဆင်ပြေတာပေါ့။ လာရောက်တဲ့ ဆရာကြီး၊ ဆရာမကြီးတွေနဲ့ ဧည့်သည်တွေကိုဒေသခံဆရာ၊ ဆရာမတွေကချွေးနည်းစာထဲကလစဉ်စုဆောင်းပြီးထမင်းကျွေး ကြသေးတယ်။ လာမယ့်နှစ်အတွက်လည်း ၂ဝ၁၄ ခုနှစ်၊ ဇန်နဝါရီလ ၄ ရက်၊ လွတ်လပ်ရေးနေ့မှာလုပ်မယ်ဆိုတာတစ်ခါတည်းရက်သတ်မှတ် ခဲ့ကြတယ်။
ပြုပြင်ထိန်းသိမ်းနေတဲ့ အများလှူဒါန်းခဲ့တဲ့ သဲဖြူကျောင်းကိုလည်းဝတ္တရားမပျက် သွားကြည့်ပါတယ်။ ဟိုတုန်းကဘိလပ်မြေအောက်ခုံကရာသီဥတုဒဏ်ကြောင့် အက်နေပေမယ့် တကယ်တမ်းကျ ထုခွဲလို့မရဘူး။ ကျောင်းမှာသတင်းသုံးနေတဲ့ ကိုယ်တော်တွေကမီးကြိုးတွေ လဲပေးပါဆိုလို့ မီးဆင်ပေးရဦးမယ်။ တနင်္ဂနွေနေ့မှာပုံမှန်သင်နေတဲ့ ယဉ်ကျေးမှုသင်တန်းကလည်းအရှိန်ကောင်းနေပြီးမကြာမီသင်တန်းဆင်းပွဲလုပ်မှာမို့ ကလေးတွေကိုဝေငှဖို့ စာအုပ်တွေ ပို့ပေးရဦးမယ်။ ဒီတစ်ခါ ထူးထူးဆန်းဆန်းမသန်းစုဆိုင်ကမုန့်တီနဲ့ ခေါက်ဆွဲကိုဆိုင်ရှင်ကိုယ်တိုင်ကဧည့်ခံကျွေးမွေးတာစားခဲ့ရတယ်။ ကိုယ့်အစီအစဉ်နဲ့ကိုယ်ဆိုတော့ ညီမလေးနဲ့ပေါင်းပြီးဆွေတွေမျိုးတွေအိမ် ကြာကြာမလည်နိုင်။ အိမ်ရှင်ကျွေးတဲ့ ညနေစာတစ်နပ်ကိုကမန်းကတန်းစားရတယ်။ အကျေနပ်ဆုံးကနံနက် စောစောငါန်းဇွန်- ရွာသစ်လမ်းအတိုင်းလမ်းတစ်လျှောက် ကျေးလက်မြင်ကွင်းတွေ အရယူနိုင်ခဲ့တယ်။ အပြန်မှာတော့ ဆွေတွေ မျိုးတွေ ပေးလိုက်တဲ့ ထောပတ်ပုလင်းတွ၊ နို့ဆီပုလင်းတွေ၊ မလိုင်ခဲတွေ မနိုင်မနင်းနဲ့ပေါ့။ ဘယ်လောက်တောင် ဝယ်ကြ ပေးကြသလဲဆိုဆိုင်မှာမလိုင်ခဲလက်ကျန်မရှိတော့တဲ့ အထိပဲပေါ့။ နောက်တစ်ခါ ပြန်လာခဲ့ ပါဦးမယ်။
0 comments:
Post a Comment