` ကျောက်ရိုင်းတုံးလေးများ´

မှတ်မှတ်ရရပင် ။ ထိုနေ့က ကျွန်ုပ် အလွန်အမင်းပျင်းသောကြောင့် G-talk ကို ဖွင့်ကာ ဂိမ်းကစားနေသည်။ သည့်နေ့ရက်တိုင်းမှာ အင်တာနက်ကွန်နရှင်တွေက ဘာကြောင့် လေးနေတာလည်းမသိ။ ကျလိုက် ၊ တက်လိုက်နှင့် စာကလေးနှစ်ကောင် လေပေါ်မှာ ရန်ဖြစ်နေသကဲ့သို့ပင်။ ထို့ကြောင့် ကျွန်ုပ် ဂိမ်းကစားနေခြင်းဖြစ်သည်။ ဂိမ်းဆိုသည်မှာလည်း တခြားသူတို့လို ဘာညာ၊ ဘာညာဂိမ်းတွေ မကစားတတ်သောကြောင့် ကွန်ပျူတာနှင့် စစ်တုရင်ထိုးနေသည် ။

          ကွန်ပျူတာ၏ ထိုးစစ်ကို ကျွန်ုပ်အသေအလဲခံနေရသည်။ ကျွန်ုပ်တွင် ပွန်းသုံးကောင်၊ ကာဆယ်နှစ်ကောင်နှင့် ဘုရင်ကြီးသာလျှင် ကျန်တော့သည်။ တကယ်တန်းကား ကွန်ပျူတာက ကျွန်ုပ်ကိုနိုင်ရပေမည် ။ သို့သော့် ကျွန်ုပ်၏ ပွန်းတစ်ကောင်က ( ကင်း ) ၀င်သောကြောင့် မိမိကြိုက်နှစ်သက်ရာ ( ကွင်း) ကို ယူလိုက်သည်။ ထိုအချိန်ကျမှ ကျွန်ုပ်သည် ပွန်းမှ ကွင်းဖြစ်လာသော စစ်တုရင်ကြောင့်  တိုက်စစ်ရကာ ကွန်ပျူတာကို အနိုင်ကစားနိုင်ခဲ့သည်။

ထိုအချိန်တွင်

          ` ဟဲလို့့ မိန်နွေ ´

အင်တာနက်လိုင်းတွေ ပြန်တတ်လာသောကြောင့် ကျွန်ုပ်၏ ဂျီတော့ခ် အကောင့် ပွင့်ကာ တစ်ဖက်မှ ကျွန်ုပ်ကို ခေါ်လိုက်ခြင်းဖြစ်သည် ။

          ` မင်္ဂလာပါ ကိုဖြိုး ၊ ဘယ်လိုလဲ အဆင်ပြေလား ´

` သိပ်မပြေချင်ပါဘူးကွာ ၊ ငါတို့ ဘ.က မှာ ငွေပဒေသာပင်စိုက်ထူတဲ့သူက နည်းတော့ ကလေးတွေအတွက် ချို့တဲ့နေလို့ကွ ´

` ဟုတ်လား ၊ ကျွန်တော်ဘာကူညီရမလဲ ၊ တတ်နိုင်တဲ့ဟာ ဆိုရင်တော့ အချိန်မရွေးပြောဗျာ ´

` မင်းမှာ ပရဟိတအသင်းမိတ်ဆွေတွေ ရှိလား ´

` ဟီ့း့ ကျွန်တော် ပရဟိတ အသင်းတစ်ခုနဲ့တော့ သိတယ်။ ဒါပေမယ့် သူတို့လည့်း့´

` အေးပါကွာ ၊ ငါလည်း နားလည်ပါတယ် ´

 ` ကျွန်တော်မေးဦးမယ်ဗျ ၊ အစ်ကိုတို့ ဘ.က မှာ ငွေပဒေသာပင် စိုက်ထူဖို့က ဘယ်လောက်သတ်မှတ်ထားလဲ ´

` ဘယ်လောက်ရယ်လို့ သတ်မှတ်မထားပါဘူးကွာ ၊ တစ်ရာပဲ တတ်နိုင် တတ်နိုင် ၊ နှစ်ရာပဲ တတ်နိုင် တတ်နိုင် ၊ ငါးဆယ်ဆိုလည်း ခဲတံဖိုးလောက်တော့ ရတာပဲ ၊ တတ်နိုင်သလောက်နဲ့ စေတနာရှိသလောက်ပေါ့ကွာ ´

` အော် ၊ ကလေးတွေကို အကုန်လုံး ကျောင်းကပဲ လုပ်ပေးတာလား ´

` အဲ ဘယ်လိုပြောရမလဲ ၊ သူတို့က ကျောင်းတတ်ပြီး အိမ်ပြန်ကြတာလေ ၊ ထမင်းစားတာတော့ ကိုယ့်အိမ်ကိုယ်ပေါ့ကွာ ၊ အလှူအတန်းရှိရင်တော့ သူတို့ ကုသိုလ်ပေါ့ ၊ ကျောင်းကတော့ သူတို့ စာသင်ဖို့ ခုံတွေလည်း မလုံလောက်ဘူး ၊ ကျောင်းဆောင်လည်း မလုံလောက်ဘူး ၊ နေဦး ဘလော့တစ်ပုဒ်ပြမယ် ´

( အောက်ပါ ဘလော့စ်ပို့စ်ကို ကိုဖြိုးက ပြပါသည် )

မန္တလေးတိုင်းဒေသကြီး နွားထိုးကြီးမြို့ အမှတ်(၂)ရပ်ကွက်ရှိ ဘုန်းတော်ကြီးသင်ပညာရေးကျောင်း
 ညောင်ပင်ကျောင်းတိုက်၌ သူငယ်တန်းမှ သတ္တမတန်းအထိ ပညာသင်ယူနေသော
 ကျောင်းသားကျောင်းသူပေါင်း (၂၈၀)ကျော်ရှိပါသည်။ တတိယတန်းမှ
 သတ္တမတန်းအထိစနစ်တကျ စာသင်ခုံများနှင့် သင်ကြားနေရသော်လည်း
ကျောင်းသားဦးရေများပြားသည့် သူငယ်တန်း မှ ဒုတိယတန်းအထိ ကျောင်းသားများကို ကြမ်းပြင်ပေါ်မှာရေးရသည့်ဖြစ်သလိုစာသင်ခုံလေးများနဲ့ စာသင်နေကြရသည်၊
ထိုကျောင်းသားများအတွက် စာသင်ခုံ(၅၀)ခန့်လိုအပ်လျှက်ရှိရာ
ကျောင်းအုပ်ဆရာတော်မှ Go there သတင်းတွင် ကွက်လပ်လေးများဖြည့်ပေးပါ ဆိုသည့် ကြော်ငြာဖြင့် ကုသိုလ်ရှင်များဖိတ်ခေါ်လိုက်ရာ သဒ္ဓါစွမ်းအားကြီးမားသူများဖြစ်သည့်အလျောက် အမှန်တကယ်လိုအပ်နေသော
ကွက်လပ်တွေဖြစ်တဲ့ စာသင်ခုံ(၅၀)ခန့်မှ စာသင်ခုံ(၂၅)လုံးအတွက် (၆၂၅၀၀၀)ကျပ်ကို ကမ္ဘောဇဘဏ်မှတစ်ဆင့်ပေးပို့လှူဒါန်းသော  ည/၂၁ အသောကလမ်း ဘုရင့်နောင် ရန်ကုန်မြို့
 ဦးဖန်+ဒေါ်ဝေအင်းမိသားစုအား အထူးပင်ကျေးဇူးတင် ၀မ်းမြောက်နုမော်သာဓုခေါ်မိပါသည်။

` အေးဗျာ ၊ လှူတဲ့သူတွေတော့ တကယ်ကို လေးဖို့ကောင်းတယ် ´

` ဒါပေါ့ဗျာ ၊ ကျောင်းသားတွေကလည်း ဆင်းရဲတဲ့ မိသားစုလေးတွေက ဆိုတော့ အကုန်လုံးကို လိုအပ်နေတာဟေ့ ၊ စာသင်ပေးတဲ့ ဆရာ ၊ ဆရာမတွေဆို တစ်လမှ ငါးထောင်လောက်ပဲ ပေးနိုင်တာ ၊ မင်းပဲစဉ်းစားကြည့်လေ ၊ ငါးထောင်ဆိုတာက ဆရာတစ်ယောက်အတွက် လက်ဖက်ရည်ဖိုးတောင်မရှိဘူး ၊ မိသားစုရှိတဲ့ ဆရာ ၊ ဆရာမတွေလည်းပါတော့ အားနာရတယ် ၊ တော်သေးတာ သူတို့က စေတနာပြည့်ပြည့်၀၀နဲ့ ကူညီကြတာမို့လို့ပေါ့ ´

` စေတနာသဒ္ဓါတရား နဲ့ ပြည့်စုံတဲ့ အသင်းအဖွဲ့တွေ တော်တော်လိုအပ်တာပဲနော် ´

` အင့်း အဲလိုပဲ ပြောရမှာပေါ့ ၊ ´

 ` ရပ်ဝေးက ငွေလှူတဲ့ အခါကြတော့ကော့့ ဘဏ်ကနေပဲ လှူလို့ရလား ´

` အင်းပေါ့ ၊ လှူလို့ရတယ် ၊ အဲ ဒါနဲ့ မိန်နွေ့့ ငါအလုပ်လုပ်လိုက်အုန်းမယ် ၊ နောက်မှ ထပ်တွေ့တာပေါ့ ´

` ဟုတ်ကဲ့ဗျာ့့ အောင်မြင်ပါစေ ´

သူ့နာမည်က ဖြိုးဝေအောင်ဖြစ်သည် ။ ကျွန်တော်က ရင်းရင်း နှီးနှီး ကိုဖြိုးလို့ပဲ ခေါ်သည်။ သူက ဘ.က ညောင်ပင်ကျောင်းဘလော့ဂါ တည်ထောင်၍ တာဝန်ယူထားသူ။

           စေတနာအပြည့်အ၀နှင့် ဘလော့ဂါတည်ဆောက်ထားပေးသည့် ကိုဖြိုးကိုလည်း လေးစားမိပါသည်။ အခြားသော ဒါနပါရမီရှင်တွေကိုလည်း ကြည်ညိုမိပါသည်။ အဘယ့်ကြောင့်ဆိုသော့်

          မင်းသားကို ငယ်သည်ဟုဆိုကာ မထီမလေးစား မပြုနှင့် ။ မြွေကို ငယ်သည်ဟုဆိုတာ အလမ္ပါယ်မပြနှင့် ဟု ရှေးဆရာကြီးများက ဆိုဆုံးမထားသည်။ ထို့အတူ ကျွန်ုပ်ကလည်း ကလေးကို ငယ်သည်ဟုဆိုကာ အထင်မသေးသင့် ဟု ပြောချင်ပါသည်။

          အမေရိကန်ဘားရက်အိုဘားမား၏ နောက်ကြောင်းကို ပြန်၍ ဆန်းစစ်ကြည့်လျှင် သူသည် ဆင်းရဲနုံ့ချာသော ဘ၀ကို ဖြတ်သန်းခဲ့ရသည်။ ပြီးတော့ လူမည်းတစ်ဦးလည်း ဖြစ်နေပြန်သည်။ စုတ်ချာ၍ ဆင်းရဲသော ဘားရက်ကို မည်သူက အမေရိကန်သမ္မတ ဖြစ်လာနိုင်သည်ဟု ဟောကိန်းထုတ်နိုင်ပါလိမ့်မည်နည်း။ သို့သော့် ဘားရက်သည် ယခု အမေရိကန်သမ္မတဖြစ်နေပေပြီ ။ ကမ္ဘာလောက၏ သေနတ်သံများကို ပန်းပွင့်ကြွေသံအဖြစ် လုပ်ဆောင်ခဲ့သည်။ အငြိုးအတေးများနှင့် ပြဿနာကွန်ရက်တို့ကိုလည်း သူက ပြေလျော့ဆုံးဖြစ်အောင် အစွမ်းကုန်ကြိုးစားခဲ့သည်။ ငြိမ်းချမ်းရေးလမ်းစဉ်ကို ရှေ့ရှု၍ အားကြိုးမာန်တတ် ဟောာပြောခဲ့သည်။ ဟိုတစ်ချိန်က ငယ်ငယ်ရွယ်ရွယ်ဘားရက် သည် ယခု ငြိမ်းချမ်းရေးဂုဏ်ဆောင်ပုဂ္ဂိုလ်တစ်ယောက်ဖြစ်နေချေပြီ။

          ထိုကဲ့သို့ပင် ကျွန်ုပ်တို့သည်လည်း ငယ်ရွယ်သော ကလေးသူငယ်များကို လူရာမ၀င်ဟုဆိုကာ အထင်သေး မရှုပ်ချသင့်။ ထိုကလေးငယ်တို့သည် နောင်တစ်ချိန်တွင် ကမ္ဘာပေါ်ကို ကျည်ဆံအစား ငြိမ်းချမ်းရေးရေစဉ်များ ရွာမချနိုင်ဘူးဟု မည်သူ ပြောနိုင်ပါမည်နည်း။

          ထို့ကြောင့် ကျွန်ုပ်တို့သည် ကလေးသူငယ်များကို စောင့်ရှောက်ရပေမည်။ ငါသားမဟုတ် ၊  ငါတို့မြို့သားမဟုတ် ၊ ငါတို့လူမျိုးမဟုတ် ၊ ငါတို့နိုင်ငံက မဟုတ်ဟု ဆိုကာ မျက်နှာလွဲ၍ ရှောင်ထွက်မသွားသင့် ။ မြန်မာ့လွပ်လပ်ရေးကို ဖော်ထုပ်ပေးခဲ့သော ဗိုလ်ချုပ်အောင်သည်လည်း ကျွန်ုပ်တို့နှင့် ဘာမှ မတော်စပ်သည်ကို သင်တို့ သတိထားရပေမည်။ မြန်မာတိုင်းရင်းးသားတို့ ကမ္ဘာပေါ်တွင် အားမငယ် ၊ စိတ်ဓာတ်မကျအောင် လုပ်ဆောင်ပေးနေသော သမ္မတ ဦးသိန်းစိန်နှင့် ဒေါ်အောင်ဆန်းစုကြည် တို့သည်လည်း ကျွန်ုပ်တို့နှင့် ဘာမှ မတော်စပ်သည်ကို သတိထားရပေလိမ့်မည်။

ထို့ကြောင့် ကလေးသူငယ်များကို ကိုယ်နှင့် ဘာမှမတော်စပ်ဟုဆိုကာ ဥပေက္ခာ ပြုမထားသင့်ချေ ။

          ကျွန်ုပ်တို့သည် ကလေးသူငယ်များ၏ တင်ပြမှုကို အလေးအနက်ထား၍ ဆွေးနွေးသင့်သည်။ အကူညီ လိုအပ်နေသည့် ကလေးများကိုလည်း မိမိတတ်နိုင်သလောက် ကူညီရမည် ။ အကြံပေးသင့်က ပေးရမည်။ ထိုသို့မှသာလျှင် ကျွန်ုပ်တို့ ကမ္ဘာကြီးသည် ငြိမ်းချမ်းရေးအတိရနိုင်ပေလိမ့်မည်။

          ကျွန်ုပ်တို့ မြင်နေရသည့် ကလေးငယ်တို့သည်  ကျွန်ုပ်၏ စစ်တုရင်ထဲက ပွန်းကဲ့သို့ ကင်းဝင်ကာ ဘုရင်မကြီး မရနိုင်ဟု မည်သူပြောနိုင်ပါမည်နည်း။ သမ္မတ မဖြစ်ဘူးဟု မည်သူပြောနိုင်ပါမည်နည်း။ ပြည်သူလေးစားရသော ဆရာဝန်၊ စာရေးဆရာ့့စသည် မဖြစ်နိုင်ဟု မည်သူပြောနိုင်ပါမည်နည်း။ ပြင်းထန်သော ခံစားချက်ရှိသောသူသည် ပေါက်ကွဲ ထွက်လွယ်သကဲ့သို့ ဆင်းရဲသောဘ၀ကို တေးမှတ်ကာ ကြိုးစားကျသောသူတို့ မည်သူ မအောင်မြင်ပဲ ရှိနိုင်လိမ့်မည်နည်း။

ကျွန်ုပ်သည် ထိုကလေးသူငယ်များကို တန်ဖိုးကြီးလာမည့် ကြာကြာ ထိန်းသိမ်းထားရမည့် ကျောက်ရိုင်းတုံးလေးများဟုသာ တင်စားချင်ပါသည်။

ထို့ကြောင့် ကျွန်ုပ်တို့ တတ်အားသလောက်  ချို့တဲ့သည့် ကလေးများကို အားပေးကူညီ စောက်ရှောက်ကြပါဟု တိုက်တွန်းလိုက်ရပါသည်။

လေးစားစွာဖြင့်

မိန်နွေ

18/18/2013

ကလေးသူငယ်များကို ပြုစုပျိုးထောင်ပေးရာ ဘ.က ညောင်ပင်ကျောင်းကို နွားထိုးကြီးမြို့နယ်တွင် တည်ထောင်ထားပါသည်။ ထို့ကြောင့်စေတနာသဒ္ဓါတရားပေါက်၍ လှူဒါန်းခြင်ပါက အောက်ပါလင့်သို့ သွားရောက်ကာ ကြည့်ရှုလှူဒါန်းနိုင်ပါကြောင့်း အကူညီလိုအပ်ပါကလည်း ကျွန်ုပ်၏ G-gmail သို့ ဆက်သွယ်နိုင်ပါသည်။

မိန်နွေ---meinnwai@gmail.com

ဘ.က ညောင်ပင်ကျောင်းဝက်ဘ်ဆိုက်----ဒီနေရာကို နှိပ်၍ သွားရောက်ပေးပါ

Read More