ရဌမန္တလာ နဂရာငါန်းဇွန်
မြို့အမွန်ဝယ် နင့်ဖွယ်ဇာတ်လမ်း
လင်္ကာဆန်းဖြင့် ရင်ပန်းပွင့်မျှ
ကျွန်တင်ပြမည် နာ၏တန်ဆာ ။
ငယ်စဉ်အခါ ပညာမဆောင်
ပင်မှာထောင်ကပ် ကိုင်းခက်မဲ့နေ
ရွက်ရှည်ရိုးမြင့် အိုးဆင့်ချိတ်တွဲ
ဓားအိမ်ဆွဲကာ ပုဆိုးမှာတို
ချွေးစိုရွှဲနစ် မညစ်စိတ်ဇော
အကျီ င်္ကျောပြဲ ဆီမွဲဆံပင်
မုတ်ဆိတ်ကျင်စွယ် ရိတ်ပယ်မအား
စီးငြားဖိနပ် စုတ်ပြတ်မြှီးတို
ဘ၀ထိုတွင် ညိုညင်မရှိ
ငါးပိရည်ဆမ်း ထမင်းကြမ်းနှင့်
ခရမ်းတို့မြှုပ် ဟင်းလုပ်ဝါးမြို
မိုးယိုအိမ်ခေါင် ထရံပြောင်နှင့်
ခြင်ထောင်အိပ်ရာ ဗလာနတ္ထိ
မရှိဆင်းရဲ နွမ်းကြေမွဲရှင့် ။
အသက်ခန္ဓာ ကြီးစွာယိုယွင်း
လျှင်ခြင်းမရှိ ချိနဲ့အရိုး
သွားများကျိုးကြွေ ပါးရေလည်းလျော့
ခါးလည်းကော့ပါး မှုန်ဝါးမျက်စိ
သုဿာန်နီးမှ ပူလှအိုးကင်း
ဆီဖျင်းဖျင်းတွင် နစ်သွင်းထုတ်ကော်
အကြော်မျိုးစုံ ဗန်းတွင်ပုံရောင်း
ယောက်ျားကောင်းသည် ဖြစ်ပြီတကား
ရှက်အားနောက်ပစ် ရင်ချစ်သားတွက်
တစ်လမ်းထွက်ဝင် ရောင်းရန်ပြင်၏ ။
ငယ်ခါထန်းတက် ကြီးလျှက်ကြော်ရောင်း
စုစောင်းငွေသည် ငါသည်ဆင်းရဲ
စုတ်ပြဲအိပ်ရာ ဗလာထရံ
မွမ်းမံပြင်ဆင် ၀မ်းတွင်ဟင်းကောင်း
ဇိမ်ခံလောင်းဖို့ အားထုတ်ကြိုးစား
မနားမနေ မမှတ်လေနှင့် ။
ဝေးရောက်နယ်ခြား ငါ၏သားသည်
တက္ကသီလာ အများလူ့လယ်
မငယ်မျက်နှာ ရွှင်လန်းသာဖို့
မရှောင်မိုးရွာ မနားနေပူ
ရောဂါထူလည်း ငါသည်မမှု
ရှေ့ရှုဆက်မြဲ နောက်လည်းမဆုတ် ။
အနိစ္စ,ဒုက္ခာ အနတ္တာနှင့်
လက္ခဏာသုံးပါး ၀ိပဿနာများကို
ရှုငြားအသက် ကြီးဘိလတ်လည်း
သံသရာထွက်ရေး ငါမတွေးခဲ့
ယခုဘ၀ ပုတ္တသည်းချာ
သမုဒယာသစ် ရင်ချစ်သားဖို့
ကာလသို့မျှ လုံ့လကြိုးကုတ်
အားထုတ်ငွေရှာ ကြိုးစားရာ၏ ။
ရွက်ဟောင်းလွင့်ကြွေ ရွက်သစ်ဝေ၍
နှစ်ရှည်လပေါင်း များစွာညောင်းသော်
မြို့တော်မဟာ တိုက်တာကြီးတွင်း
သားဖျင်းပုတ္တ ထိုသူသသည်
ဇနီးမယား သားနှင့်သမီး
စည်းစိမ်ကြီး၌ ပွါးစီးဥစ္စာ
လွန်ချမ်းသာ၍ ပျော်မွေ့ကြွေးသစ်
ကြွေးဟောင်းပစ်ကာ ဖခင်မှာကား
တောရွာဇနပုဒ် အိမ်စုတ်ကြမ်းခင်း
စားဟင်းငါးပိ လုပ်ဘိကြော်ရောင်း
နွမ်းဟောင်းအ၀တ် ဘ၀၀ဋ်က
မကျွတ်သာမြဲ ခံနေစဲရှင့် ။
တရံတခါ ဖ-ပိတာသည်
သားဆီမြေးနှစ် တွေ့ဖြစ်ဖို့ရာ
မဟာမြို့တော် သွားသောခါဝယ်
လောကွတ်ပျူငှါ လူတကာကို
ကောင်းစွာပြုံးပန်း ပွင့်ကာလန်း၍
အိုနွမ်းဇရာ ဖ-ပိတာအား
ရှိငြားမမှတ် ရှောင်ကာထွက်၏ ။
ဆွေမျိုးညာတိ ၀န်းကျင်သိက
ဤဗာလလူ မိုက်သသူအား
တရားကျေးဇူး သိမြင်ဖူးဖို့
နှုတ်ဟတို့ကာ ကြံပေးခါဝယ်
ငယ်ခါသင်ခဲ့ မှတ်ဖူးခဲ့လင့်
မိဘကျင့်ဝတ် ပဉ္စ၀တ်တွင်
ပေးဝေလျှင်သာ ပါခဲ့ရာ၏
ငယ်ခါသင်ပေး ပညာရေးလည်း
နောင်ရေးတောင့်တ သင်မပြခဲ့၊
ငယ်ကဝေပေး ငွေကြေးတို့သည်
ငါသည်မျှော်ရမ်း မပေးကမ်းခဲ့၊
ဆင်းရဲပင်ပန်း ၀မ်းမ၀လည်း
စိတ်ထဲကြိတ်ကာ သားပုတ္တာပေါ်
မလျှော်မကန် စိတ်မထန်ခဲ့၊
ငါ၏ပြုစု ယုယမှုသည်
ဆေးနီဆေးမဲ ကာလာဖဲ၍
ဖြူသွဲ့အရောင် သန့်ရှင်းပြောင်၏
ဤသို့ဤနှယ် ချစ်ဖွယ်စကား
မေတ္တာများနှင့် ကရုဏာသံ
ဝမ်းတွင်လျှံကာ ပြောခဲ့သာ၏ ။
နင့်ဖွယ်ဇာတ်လမ်း ကဗျာပန်းအား
သွယ်တန်းစီကုံး နိဂုံးကမ္ပတ်
အဆုံးသတ်ရန် အချိန်တန်၏
စာရှုသသူ မောင်လူယဉ်ကျေး
မျှော်ကာတွေး၍ နာဘိသေးလော့ ။
သတ္တောကာသ သင်္ခါရ-ဟု
လောကသုံးဖြာ သံသရာတွင်
ဗြဟ္မာနတ်လူ တိရစ္ဆာန်ဟူ၍
မှတ်ယူခွဲခြား သီးကန့်ထားလည်း
မေတ္တာမိဘ ဟူသမျှသည်
လေးလီကျွန်းထိပ် မြင့်မိုရ်ရိပ်နှင့်
နှိုင်းယှဉ်လိမ့်သာ
ယင်းမြင့်မိုရ်ကား နွားလားဦးချို
ရှိဘိတုံသို့ ထို့မှတစ်သွယ်
ပင်လယ်ကျယ်နှင့် နှိုင်းချင့်ဆိုက
နှိုင်းထပင်လယ် ယင်းအကျယ်မှာ
တစ်ထွာတစ်ဆုပ် သေး၍ကျုံ့၏ ။
ပုထုဇ္ဇန လူ့အန္ဓသာ
မဆိုသာပြီ လောကီ-လောကုတ်
အရှုပ်အရှင်း ဤဆင်းရဲမှ
လွတ်ကင်းထမြောက် ထုတ်ဖောက်တဏှာ
နိဗ္ဗာနခေါ် ကမ်းလမ်းပေါ်သို့
ပြည်တော်ခမ်းသွား မြတ်ဘုရားပင်
မိခင်တော်ဘိ သန္တုသိတ
နတ်ဒေ၀အား ၀ါလ၀ဿန်
နေ့ညမှန်ဖြင့် ဟောကြံတရား
ဆပ်ငြားကျေးဇူး ရှိခဲ့ဦးလည်း
တစ်လုံးနို့ဖိုး ကျေခဲ့ရိုးရှင့် ။
ဖကိုလက်ယာ မိ-မှာလက်ဝဲ
လုံ့လဇွဲဖြင့် တင်ခဲ့ပခုံး
သက်ဆုံးတပန် လုပ်ကျွေးပြန်လည်း
ကျေရိုးထုံးစံ မရှိမှန်ဟု
ဇာတကတွင် ထုတ်ဖော်ဆင်၏ ။
စူဠနန္ဒိယ ဇာတ်အလားသို့
မွေးဖွားမိခင် အသက်ရှင်ရန်
မိမိထံတွင် မြှားလျှင်ထိုးဖောက်
သက်ပျောက်စေလည်း လွန်ကျေခဲရှင့် ။
ထို့ကြောင့်သာလျှင် မောင်လူယဉ်ကျေး
မျှော်ထောက်တွေးကာ စဉ်းစားပါလော့။
စကြာဝဠာ အနန္တာထက်
ကြီးကျယ်ပြန့်ပြား မိဘများ၏
တင်ဘိကျေးဇူး မကျေဦးလင့်
မိခင်ဖခင် ကျေးဇူးရှင်ကို
ချစ်ခင်မပျက် ကျွေးမွေးလျှက်သာ
ဖြစ်သင့်ရာသည် မဟုတ်ပြီလော။
မိခင်ဖခင် ကျေးဇူးရှင်သည်
ငါ၏ထက်သာ ချမ်းသာကြွယ်ဝ
ဓနများစွာ မခမ်းသာတည်း။
ငါသည်ကျွေးမွေး
စိတ်ထဲကျေနပ် မရှိခဲ့အံ့
ဤသို့ဤထွေ မမှတ်လေနှင့်
မာတာပိတု နှစ်ခုမိဘ
ဟူသမျှသည် အိုးကင်းဆီတွင်
ကြော်ထားလျှင်လည်း သမီးနှင့်သား
ပေးလာငြားအံ့ ရွှင်ပါးဝမ်းသာ
အားရစွာဖြင့် စားသုံးဝင့်၏ ။
မိဘမေတ္တာ မဆပ်သာလည်း
ကာယာ-၀စီ တစ်လီမနော
အပြစ်ပြောလျှက်
သာမညဖလ သုတ္တန္တ-လာ
အဇာတသတ် ဖ-သတ်မင်းသည်
ဗိမ္ဗိသာရာ ခမည်းရာကို
ချုပ်ကာနှောင်ထား ဖ၀ါးဓားခွဲ
ညှင်းဆဲကံကြောင့် မြေအောက်ဒေသ
လောဟကုမ္ဘီ ငရဲဆီတွင်
ကာလမြင်ကြာ ခံစားရာ၏ ။
သီရိခေတ္တရာ မြန်မာရာဇ၀င်
စွန်းထင်မည်းနက် ကျွန်မှတ်ဖူး၏
နဂရဆိန္ဒ သုပည-ဟု
ရာဇတစ်ပါး အုပ်ချုပ်ငြားသော်
မလျော်မကန် လူမိုက်ကြံဖြင့်
ရူပံဆင်းလှ မိမာတအား
စံထားတောင်ညာ ဒေ၀ီရာကို
မြှောက်ကာပင့်ကော် ထိမ်းမြားလျော်၍
သံဝါသမှု ပေါင်းယှက်ပြုသော်
စနော်စနောင့် ဖျက်စီးနှောက်ယှက်
ကျင့်ပျက်မင်းကြောင့် ပြည်တော်ပျောက်ခဲ့ ။
ထိုမှတစ ကျွန်တင်ပြအံ့
မိဘနှစ်လီ ချစ်ကြည်လုပ်ကျွေး
ရိုသေလေးစား ဘုရားပုထိုး
စေတီမျိုးသို့ ကျိုးလိုဆည်းကပ်
ထိုသူမြတ်သည် လူ့ပြည်ရပ်ရွာ
နတ်ရွာခြောက်ထပ် ပြောင်းလျှက်စံစား
ဘ၀များစွာ လွန်ချမ်းသာလိမ့် ။
မိဘမေတ္တာ စမ်းသီတာကို
ကဗျာရေးထုံး ဖွင့်လှစ်သုံး၍
နှလုံး၌တည် ချစ်ကြည်ရွှင်ပျော်
နှစ်ဖော်မိဘ ပြုစုကြကာ
နတ်ရွာလူ့ပြည် ခဏေခဏ
ပေါက်ရောက်ကြရန် ကျွန်ရည်သန်သည်
ဝေဖန်သုံးသပ် သင်္ခန်းစပ်၍
ကျင့်မှတ်ကြလေ
နဂရာငါန်းဇွန် မြို့အမွန်မှ
နင့်ဖွယ်ဇာတ်လမ်း နောက်ဆက်ခန်းသည်
ဤတွင် နိဌိတံ အပြီးတည်း ။ ။
Xxxxxxxxxxxxxxxxxxxxxxxxxxxxxx
ခက်ဆစ်အဓိပ္ပါယ်
ရဌမန္တလာ = မန္တလေးတိုင်းနဂရာငါန်းဇွန်
နာ၏တန်ဆာ =နာယူမှတ်သားပါလေ
ပင်မှာထောင်ကပ် =ထန်းပင်တက်ရာတွင်အသုံးပြုသော ရင်းထောင်
ကိုင်းခက်မဲ့နေ
သုဿန်နီးမှ = အသက်ကြီးမှ
ရှက်အားနောက်ပစ် =ရှက်သော်လည်းမရှက်သကဲ့သို့
တက္ကသီလာ = တက္ကသိုလ်
အနိစ္စ
ဒုက္ခ
အနတ္တ =အတ္တဟူသောမိမိမဟုတ်ခြင်း ( အစိုးမရခြင်း)
လက္ခဏာသုံးပါး = အနိစ္စ၊ ဒုက္ခ ၊ အနတ္တ ဟူသော လက္ခဏာသုံးပါး
ဝိပဿနာ = ( ၀ိ=အထူးထူးသော။ ပဿနာ=ရှုမှတ်အပ်သည့်တရား )
သံသရာ = ဆင်းရဲဒုက္ခတို့ ပြည့်နှက်နေသော နေရာ
ပုတ္တသည်းချာ = (ပုတ္တ=သား ။ သည်းချာ= နှစ်နှစ်ကာကာ ချစ်ရသူ )
သမုဒယ = နှောင်ဖွဲ့မှု သံယောဇဉ်
ကာလသို့မျှ = အသက်ရှင်သည့်တိုင်အောင်
ကြွေးသစ်
ကြွေးဟောင်း = ကျေးဇူးရှင်ဖြစ်သော မိခင်ဖခင်
လောကွက် = လူသားအချင်းချင်းပြုလုပ်ရသော လောက၀တ်
ပျူငှါ
ဗာလ
ပဉ္စ၀တ်
သတ္တောကာသ = သတ္တလောက ၊ သြကာသလောက
သင်္ခါရ
လောကသုံးဖြာ = အထက်ပါလောကသုံးပါး
သီးကန့် = သီးခြား ကန့်သတ်
လေးလီကျွန်း = ပုဗ္ဗ၀ိဒေဟကျွန်း ( အရှေ့ကျွန်း ) ။ အပရဂေါယာနကျွန်း ( အနောက်ကျွန်း )
ပုထုဇ္ဇန
လူ့အန္ဓ
လောကီ = သံသရာဆင်းရဲမှ မလွတ်မြောက်နိုင်သည့် လောကီတရား
ဘလောကုတ် = သံသရာဆင်းရဲမှ လွတ်မြောက်နိုင်သည့် လောကုတ္တရာ တရား
နိဗ္ဗာန
သာန္တုသိတ = ဗုဒ္ဓဘုရားရှင်၏ မိခင်တော်စပ်ခဲ့ဖူးသော နတ်သား၏အမည်
ဝါလ၀ဿန် = ၀ါတွင်းသုံးလ။ မိုးလရာသီ
ဇာတက = ပါရမီဖြည့်စဉ်ဘ၀ကို ပြန်လည်ဟောပြောပြသည့်အရာ
စူဠနန္ဒိယ = မျောက်ညီနောင် မိဘအတွက်အသက်စွန့်သည့် ဇာတ်အမည်
စကြာဝဠာ = တစ်သောင်းသော စကြာဝဠာတိုက်
အနန္တ
မကျေဦးလင့် = ကျေအောင်မဆပ်နိုင်သည့်တိုင်အော
မဆပ်သာလည်း = ကျေးဇူးမဆပ်သော်လည်း
ကာယ = ကိုယ်ထိလက်ရောက်
ဝစီ
မနော
သာမညဖလ-သုတ္တန္တလာ = ရဟန်းဝတ်ခြင်း၌ ရရှိသည့်အကျိုးတရားကို ဟောကြားသည့်သုတ္တန္တာန်
ခမည်း
လောဟကုမ္ဘီ = ငရဲအမည်
သီရိခေတ္တရာ = ယခုပြည်မြို့
နဂရဆိန္ဒ သုပည = သရေခေတ္တရာ၏ နောက်ဆုံးမင်းဆက်
ရူပံ
မိမာတ
သံဝါသ
နတ်ရွာခြောက်ထပ် = စတုမဟာရာဇ်၊ တာဝတိံသာ ၊ ယာမာ ၊ တုသိတာ ၊ နိမ္မာရတီ ၊ ပရနိမ္မိတ၀ဿဝတီ---ဟူသော နတ်ပြည်ခြောက်ထပ်
ခဏေခဏ = ခဏတိုင်းခဏတိုင်း
သင်္ခန်းစပ်၍ = သင်္ခန်းစာယူ၍
------------------------------
မြန်မာစံတော်ချိန် နံက် ( ၀၁း ၁၅း၀၀ ) ရှိပါပြီ
လေးစားစွာဖြင့်
မိန်နွေ
ဟေးမိန်နွေကဗျာလေးကကောင်းတယ်ဟ..
ReplyDeleteငါ့ကိုမှတ်မိသေးလား..millionthegreat လေ..
အားပေးသွားတယ်နော်